କେନ୍ଦ୍ର ସମବାୟ ବ୍ୟାଙ୍କ ପରିଚାଳନାରେ ଏଣିକି ରହିବେ ପ୍ରଶାସନିକ ଅଧିକାରୀ

କଟକ, ଏପ୍ରିଲ ୨୯ (ସଂଯୋଗ ନ୍ୟୁଜ) : ଏଣିକି କେନ୍ଦ୍ର ସମବାୟ ବ୍ୟାଙ୍କ ଗୁଡିକର ପରିଚାଳନାରେ ପ୍ରଶାସନିକ ଅଧÒକାରୀମାନେ ରହିବେ ବୋଲି ଜଣାପଡିଛି । ଭବାନୀପାଟଣାସ୍ଥିତ କେନ୍ଦ୍ର ସମବାୟ ବ୍ୟାଙ୍କ ପରିଚାଳନା ଭାର ମଙ୍ଗଳବାର ଦିନ କଳାହାଣ୍ଡି ଜିଲ୍ଲାପାଳଙ୍କୁ ଦିଆଯିବା ପରେ ଏହା ସ୍ପଷ୍ଟ ହୋଇଛି ।

ଦୀର୍ଘ ବର୍ଷ ଧରି ବ୍ୟାପକ ଦୁର୍ନୀତି ଯୋଗୁ ରାଜ୍ୟରେ ସମବାୟ ଆନ୍ଦୋଳନ ବିଫଳ ହୋଇଛି । ଗତ ବିଧାନସଭା ଅଧିବେଶନରେ ଖୋଦ ରାଜ୍ୟ ସମବାୟ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ସମବାୟ ବ୍ୟାଙ୍କରେ ହୋଇଥିବା ଦୁର୍ନୀତିକୁ ସ୍ବୀକାର କରିଥÒଲେ ।

ରାଜ୍ୟର ସମବାୟ ବ୍ୟାଙ୍କରେ ବିଭିନ୍ନ ସୂତ୍ରରୁ ପ୍ରାୟ ୮ଶହ କୋଟି ଟଙ୍କାର ଦୁର୍ନୀତି ହୋଇଥିବା ନେଇ ଏକ ମାମଲା ଓଡିଶା ଲୋକାୟୁକ୍ତଙ୍କ ବିଚାରାଧÒନ ରହିଛି ।

ଏ ମଧ୍ୟରେ ରାଜ୍ୟର ଅନ୍ୟ ୧୭ଟି କେନ୍ଦ୍ର ସମବାୟ ବ୍ୟାଙ୍କରେ ହୋଇଥÒବା ବିଭିନ୍ନ ଅନିୟମିତତା ଲୋକଲୋଚନକୁ ଆସିଛି । ଏ ଭଳି ଏକାଧିକ ଘଟଣା ଲୋକଲୋଚନକୁ ଆସିବା ପରେ ଏ ସବୁ ବ୍ୟାଙ୍କର ନିର୍ବାଚିତ ପରିଚାଳନା ପରିଷଦର ଦୁର୍ନୀତି ଖୋର ମନୋବୃତ୍ତି ପଦାରେ ପଡିଛି ।

ଏ ଭଳି ସ୍ଥିତିରେ ସମବାୟ ମନ୍ତ୍ରୀ ନିଜ ଭାଇ ଏବଂ ଅନ୍ୟ ରାଜନୈତିକ ବ୍ୟକ୍ତିଙ୍କ କାର୍ଯ୍ୟକାଳ ସରିଯାଇଥିବା ପରିଚାଳନା ପରିଷଦଙ୍କୁ ‘ନୋମିନେଟେଡ ପରିଚାଳନା ପରିଷଦ’ରେ ରହିବା ପାଇଁ ସମବାୟ ନିବନ୍ଧକଙ୍କ ଉପରେ ଚାପ ପ୍ରୟୋଗ କରିଥିଲେ ।

ଏହି ଘଟଣା ପ୍ରଘଟ ହେବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହା ଉପରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶକ୍ରମେ ମଙ୍ଗଳବାର ଦିନ ଭବାନୀପାଟଣା କେନ୍ଦ୍ର ସମବାୟ ବ୍ୟାଙ୍କ ପରିଚାଳନା ପାଇଁ ଆଦେଶ ସଂଖ୍ୟା ୯୦୯୮ ତା, ୨୮/୪/୨୦ରେ କଳାହାଣ୍ଡି ଜିଲ୍ଲାପାଳଙ୍କୁ ପ୍ରଶାସକ ରୂପେ ନିଯୁକ୍ତି ଦିଆଯାଇଛି ।

ସେହିପରି ଅବଶିଷ୍ଟ ୧୫ଟି ସମବାୟ ବ୍ୟାଙ୍କ ପାଇଁ ଆସନ୍ତା ୨ ଦିନ ମଧ୍ୟରେ ନିବନ୍ଧକଙ୍କ ନିଯୁକ୍ତି ଆଦେଶ ପ୍ରକାଶ ପାଇବ ।

ଆଗାମୀ ଦୁଇ ମାସ ମଧ୍ୟରେ ରାଜ୍ୟ ସମବାୟ ବ୍ୟାଙ୍କ ଓ ପରେ ବାଲେଶ୍ୱର ଓ ଭଦ୍ରକ କେନ୍ଦ୍ର ସମବାୟ ବ୍ୟାଙ୍କ ପାଇଁ ପ୍ରଶାସକ ନିଯୁକ୍ତି ଆଦେଶ ପ୍ରକାଶ ପାଇବ ବୋଲି ଜଣାପଡିଛି । ମହାମାରୀ କରୋନା ଯୋଗୁଁ ବିଳମ୍ବ ହୋଇଥିବା ସମବାୟ ନିର୍ବାଚନ କରାଇବାକୁ ମଧ୍ୟ ସମବାୟ ବିଭାକୁ ଇତି ମଧ୍ୟରେ ନିର୍ଦ୍ଦେଶ ଦିଆଯାଇଛି ।