ମହାନଦୀ ବାଡା ଭାଙ୍ଗି ଝୁଲି ରହିଲା ଯାତ୍ରୀବାହୀ ବସ

କଟକ, ଅକ୍ଟୋବର ୩(ସଂଯୋଗ ମିଡିଆ) : ମହାନଦୀର ବାଙ୍କୀ ଯାତମୁଣ୍ଡିଆ-ସୁବର୍ଣ୍ଣପୁର ପୋଲ ଉପେରେ ଏକ ଯାତ୍ରୀବାହୀ ବସ ଦୁର୍ଘଟଣାଗ୍ରସ୍ତ ହୋଇଛି । ପୋଲର ବାଡା ଭାଙ୍ଗି ବସଟି ଭାରସାମ୍ୟ ହରାଇ ନଦୀ ମଧ୍ୟକୁ ବିପଜ୍ଜନକ ଅବସ୍ଥାରେ ଝୁଲି ରହିଥିଲେ ମଧ୍ୟ ଏଥିରେ ଥିବା ୫୦ରୁ ଉର୍ଦ୍ଧ୍ବ ଯାତ୍ରୀ ଅଳ୍ପକେ ବର୍ତ୍ତି ଯାଇଛନ୍ତି । ତେବେ ୮ଜଣ ଯାତ୍ରୀ ସାମାନ୍ୟ ଆହତ ହୋଇଛନ୍ତି । ଦୁର୍ଘଟଣା ପରେ ଡ୍ରାଇଭର ଫେରାର ହୋଇଯାଇଛି ।

ଏହି ବସ୍‌ଟି ଅନୁଗୋଳରୁ ଭୁବନେଶ୍ୱର ଅଭିମୁଖେ ଯାଉଥିବା ବେଳେ ଏହି ଦୁର୍ଘଟଣା ଘଟିଥିଲା । ଜଣେ ପ୍ରତ୍ୟକ୍ଷଦର୍ଶୀଙ୍କ ଠାରୁ ମିଳିଥିବା ସୂଚନା ଅନୁଯାୟୀ ବସଟି ଆଠଗଡର ସୁବର୍ଣ୍ଣପୁର ଓ ବାଙ୍କୀ ଜାତମୁଣ୍ଡିଆକୁ ସଂଯୋଗ କରୁଥÒବା ପୋଲ ଉପରେ ଭାରସାମ୍ୟ ହରାଇ ମହାନଦୀର ବାଡାକୁ ଧକ୍କା ଦେଇଥÒଲା । ଫଳରେ ପୋଲର ବାଡା ଭାଙ୍ଗି ଯାଇଥÒଲା ଓ ବସଟି ନଦୀ ମଧ୍ୟକୁ ଖସି ପଡିବା ବେଳେ ଡ୍ରାଇଭର ବ୍ରେକ କଷିଦେବାରୁ ବସଟିର ୮ ପ୍ରତିଶତ ଅଂଶ ମହାନଦୀ ମଧ୍ୟକୁ ଝୁଲି ପଡିଥÒଲା । ବସର ସମ୍ମୁଖ ଭାଗ ଝୁଲି ରହିଥÒବା ବେଳେ ଏହାର ଆଗ ଚକ ଦୁଇଟି ବାହାରି ଯାଇଥÒଲା । ଫଳରେ ବସଯାତ୍ରୀମାନେ ଭୟଭୀତ ଅବସ୍ଥାରେ ଚିତ୍କାର କରିଥÒଲେ । ଏହାପରେ ପୋଲ ଉପରେ ଯା’ଆସ କରୁଥିବା ସମସ୍ତ ଲୋକ ସେଠାରେ ସାହାଯ୍ୟ କରିବା ପାଇଁ ପହଞ୍ଚିଥିଲେ । କାଳେ ବସଟି ନଦୀରେ ପଡ଼ିଯିବ, ସେହି ଆଶଙ୍କାରେ ୨୦ରୁ ୩୦ ଜଣ ଲୋକ ବସକୁ ପଛପଟୁ ଟାଣି ଧରିଥିଲେ । ବସର ଦ୍ୱାର ନଦୀ ପାର୍ଶ୍ୱକୁ ରହିଥିଲା । ତେଣୁ ସମସ୍ତ ଯାତ୍ରୀଙ୍କୁ ଝରକା ଦେଇ ବାହାର କରାଯାଇଥିଲା । ପ୍ରାୟ ୩୦ରୁ ୩୫ ମିନିଟ ମଧ୍ୟରେ ସମସ୍ତ ଯାତ୍ରୀଙ୍କୁ ଉଦ୍ଧାର କରାଯାଇଥିଲା । ବସ୍‌ରେ ୫୦ରୁ ଅଧିକ ଯାତ୍ରୀ ଥିଲେ । ବସକୁ ସୁରକ୍ଷିତ ଭାବେ ସେଠାରୁ ଉଦ୍ଧାର କରାଯାଇଛି । ସ୍ଥାନୀୟ ଲୋକ, ଅଗ୍ନିଶମ ଓ ପୋଲିସ କର୍ମଚାରୀଙ୍କ ମିଳିତ ଉଦ୍ୟମରେ ଏକ ହାଇୱା ଓ କ୍ରେନ ସାହାଯ୍ୟରେ ବସଟିକୁ ଉଦ୍ଧାର କରାଯାଇଥିଲା । ଏହି ଦୁର୍ଘଟଣାର କାରଣ ଏଯାଏ ସ୍ପଷ୍ଟ ହୋଇନାହିଁ । ଦୁର୍ଘଟଣାର କାରଣ ତଦନ୍ତ ପରେ ଜଣାପଡ଼ିବ । ଦୁର୍ଘଟଣା ବେଳେ ବସର ବେଗ କେତେ ଥିଲା, ବସରେ କେତେ ପରିମାଣର ଯାତ୍ରୀଥÒଲେ, ବସର ଫିଟନେସ ଓ ଇନସ୍ୟୁରାନ୍ସ ଥିଲା କି ନାହିଁ, ଦୁର୍ଘଟଣାଟି ଚାଳକଙ୍କ ଦାୟିତ୍ବହୀନତା ଯୋଗୁ ବା ଯାନ୍ତ୍ରିକ ତ୍ରୁଟି ଯୋଗୁ ଘଟିଛି ସେ ସମ୍ପର୍କରେ ତଦନ୍ତ କରାଯିବ ବୋଲି କଟକ ଆରଟିଓ କହିଛନ୍ତି ।

ଅନ୍ୟପକ୍ଷରେ ଜାତମୁଣ୍ଡିଆ-ସୁବର୍ଣ୍ଣପୁର ବ୍ରିଜରେ ବାରମ୍ବାର ଦୁର୍ଘଟଣା ଘଟୁଥିବା ଲୋକେ ଅଭିଯୋଗ କରିଛନ୍ତି । ଯଦି ବସଟି ମହାନଦୀ ଗର୍ଭରେ ପଡ଼ିଯାଇଥା’ନ୍ତା ତେବେ ବିପୁଳ କ୍ଷୟକ୍ଷତି ଘଟିଥାନ୍ତା । ଏବେ ମହାନଦୀରେ ଭରା ଜଳରାଶି ଥ଄ବାରୁ ବହୁ ପରିମାଣର ଧନ ଜୀବନ ନଷ୍ଟ ହୋଇଥାନ୍ତା ବୋଲି ମତ ପ୍ରକାଶ ପାଇଛି ।