ସିକ୍ୟୁରିଟି ନମ୍ବର ନ ଥିବା ଗାଡ଼ି ବିରୋଧରେ ଜୁନ ୨୩ରୁ କଠୋର କାର୍ଯ୍ୟାନୁଷ୍ଠାନ

କଟକ,ଜୁନ୯ (ସଂଯୋଗ ମିଡିଆ): ଓଡିଶା ରେଜିଷ୍ଟ୍ରେସନ ମାର୍କ ଥିବା ୨୦୧୯ ଏପ୍ରିଲ ୧ ପୂର୍ବରୁ ପଞ୍ଜିକୃତ ହୋଇଥିବା ପୁରୁଣା ଯାନରେ ହାଇ ସିକ୍ୟୁରିଟି ରେଜିଷ୍ଟ୍ରେସନ୍ ପ୍ଲେଟ (ଏଚଏସଆରପି) ଲଗେଇବାର ଅବଧି ୨୦୨୩ ଫେବୃୟାରୀ ୨୮ ତାରଖରେ ଶେଷ ହୋଇଯାଇଛି ।୤ ଏହା ସତ୍ତ୍ବେ କିଛି ଗାଡି ବିନା ଏଚଏସଆରପିରେ ଗାଡି ଚଳାଉଥିବା ରାଜ୍ୟ ପରିବହନ ପ୍ରାଧିକରଣଙ୍କ ନଜରକୁ ଆସିଛି। ୤ ଏଣୁ ଆସନ୍ତା ୨୩ ତାରିଖରୁ ଏସବୁ ଯାନଗୁଡିକୁ ଚିହ୍ନଟ କରିବା ଏବଂ ଦଣ୍ଡବିଧାନ ପାଇଁ ଏକ ସ୍ୱତନ୍ତ୍ର ପଦକ୍ଷେପ ଗ୍ରହଣ କରିବାକୁ ଯୋଜନା କରିଛନ୍ତି। ୤

ଏ ନେଇ ରାଜ୍ୟ ଅତିରିକ୍ତ ପରିବହନ ଆୟୂକ୍ତ(ସଡକ ସୁରକ୍ଷା) ଲାଲମୋହନ ସେଠୀ ସୂଚନା ଦେଇ କହିଛନ୍ତି୍ତି ଯେ ଚଳିତ ମାସର ୭ ତାରିଖ ସୁଦ୍ଧା ମୋଟ ୪୦ ଲକ୍ଷ ୯୩ ହଜାର ୬୦୮ଟି ଯାନ ମାଲିକ ସ୍ଲଟ୍ ବୁକ୍ କରିଛନ୍ତି, ସେଥିମଧ୍ୟରୁ ୩୫ ଲକ୍ଷ ୮୭ ହଜାର ୫୭୭ ଗାଡିରେ ଏଚଏସଆରପି ଲଗାଯାଇଛି। ୤ ଦଣ୍ଡବିଧାନରୁ ରକ୍ଷା ପାଇବା ପାଇଁ ଯାନବାହାନ ମାଲିକମାନଙ୍କୁ ଶୀଘ୍ର ଏଚଏସଆରପି ଲଗାଇବାକୁ ପରାମର୍ଶ ଦିଆଯାଇଛି । ୤ ଅନ୍ୟଥା ଏମଭି ଆଇନ ୧୯୮୮ର ୧୯୨ ଧାରା ଅନୁଯାୟୀ ଏଚଏସଆରପି ନଥିବା ଯାନ ମାଲିକଙ୍କ ବିରୋଧରେ ଇ-ଚାଲାଣ ଜାରି କରାଯିବ ଏବଂ ୫ ହଜାର କିମ୍ବା ୧୦ ହଜାର ଟଙ୍କା ଜୋରିମାନା ଆଦାୟ କରାଯିବ। ୤